UPAKRASA PUNAPA PAMRATOBAT?

-

   kapriksana ugi ing https://m.facebook.com/story.php?story_fbid=pfbid02zYvD1vPsmLyBtuaWmYtnzgmhF1eBE89ycoEm3yNwkjhXVHZncHWGicYwP2SCcVz9l&id=100053518547586&mibextid=Nif5oz


Boten wonten tiyang satunggala kang saged sumingkir saking kalepatan/kaklentuan. Saben manungsa nate nindakaken kalepatan saha wonten ing swasana upakrasa/kaduwung, gela (penyesalan,bs.Ind.). Ananging, punapa namung upakrasa kemawon cekap saged mungkasi kalepatan?

Wangsulanipun, Boten! Ora!

Temtu boten cekap, nadyan kathah manungsa ingkang boten kirang nedya nyumingkiri, dangu ning dangu boten saged mlajeng saking raos klintu/lepat. Wekasanipun lamun sampun kepepet nembe keduwung ing upakrasa (nggelani terus-terusan saking kalepatanipun). Salebeting manah mijil raos buddhi (sadar,bs.Ind.) lan ngakeni kalepatanipun sarta kaduwung nglampahi dosa klawan nedya mratobat ing ngarsanipun Gusti Allah. Ing kawontenan kang kados makaten punika, tiyang tinarbuka pangraosing nala dene upakrasa kemawon boten saged amangsulaken kawontenan ingkang sampun katindakaken. Mila makaten lajeng klawan pamratobat kanthi tulus nyadhong pangaksama awit saking Sih Kadarman dalah Wilasanipun Gusti.


Pamratobat saged puntegesi wonten ewah lan tekad salebeting nala nedya upados nilaraken tumindak dosa.

Dene upakrasa namung pangraosing nala rumaos keduwung kemawon.


Samangsa ing pamratobat, manungsa nedya nebih saking tumindak dosa klawan umarek dhumateng Gusti. Dene salebeting upakrasa punika namung raos keduwung kemawon, manungsa taksih saged kajeglong malih ing luwangan kang sami.


Para kadang PBJ kinasih, kita samya sanyata sampun nate nglampahi kalepatan jalaran klintu anggenipun nemtokaken cecala utawi langkah kang wusananipun dumugi ing raos kaduwung. 


Samangsa katetepan klintu sampun dumados lan ndadosaken kita kaduwung, sampun ngantos upakrasa kalawau nggendeng kita ing kawontenan sangsaya adamel rupeging manah lan pikir kita, sampun ngantos lepya kita mratobat marek ing pangayunanipun Gusti saha nyadhong panuntun dalah Sih Kadarman miwah Wilasanipun Gusti.


Salam tentrem rahayu mugi kajiwa saha kasalira mring kita samya kang pinangkanipun saking Gusti Allah Kang Maha Asih,

Gusti amberkahi... Amin Amin 🙏🙏


JM, Ahad Paskah, 09423

          ✍ eNPe ✍

          [^__^]  [^__^]


Komentar

Posting Komentar

Postingan populer dari blog ini

PANGAJENG-AJENGING MASARAKAT WONG CILIK

-
  kapacak ugi ing  https://www.facebook.com/share/p/itD6xxVSXCPFr2Jf/?mibextid=oFDknk    - nawala tinarbuka lan nitip pesen katur para pemimpin- Pangajeng-ajenging masarakat wong cilik kagem sinten kemawon kang bakal nampi panetepan lan pangukuhan dados jejering pemimpin, menteri, pamong praja lan pandhegane pamarentahan sanesipun. Salam rahayu 🙏 Demi karsaning Gusti, samya nuhoni lan mbangun turuta dhateng sedhengah tata pamarentahan ingkang adhedhasar paugeran, undhang-undhang kang lumampah lan kaanut. - Maring pamong dalah sadaya ingkang sampun kapiji dados pandheganing pamarentahan, dadosa kang ngasta panguwaos kanthi wasis wicaksana ngayahi darmaning negari tumuju kamakmuraning bangsa. - Maring para gubernur, bupati walikota dalah para pamong praja, dadosa kang anggadhahi kuwaos netepi ngadili tetiyang kang samya anglampahi piawon, lan ngajenana tetiyang kang adamel kabecikan, sumimpanga saking pilih asih! - Samya gesanga kadya tiyang mardika, nanging sampun ng...
Baca selengkapnya

đŸŽ¶ ISIH DUWE WÊKTU đŸŽ¶ 𝕰𝖇𝖎𝖊𝖙 đ•Č. 𝕬𝖉𝖊

-
    kapacak uga ing  https://www.facebook.com/share/D1XWgkW1by24K76b/?mibextid=oFDknk Lamun isih tan mokal kitĂ„ anggurit batin minĂ„ngkĂ„ sĂȘsulihing jiwĂ„ lan nĂ„lĂ„ tulus eklas. Mupung isih duwe wĂȘwĂȘngan tumrap kitĂ„ nglumpuke sanguning margĂ„lenĂ„ ing ngalam kalanggĂȘngan. KitĂ„ tĂȘmtu emut kasangsaran kang ngrĂȘrujit ati kĂȘnĂ„pĂ„ kudu pĂ„rĂ„ kadang kang kapilih marak? TĂȘmtu Ă„nĂ„ hikmah kang bisĂ„ kitĂ„ pĂȘthik minĂ„ngkĂ„ wakiling jiwĂ„ payo ngĂȘningake ciptĂ„.   KitĂ„ kudu muji sokur dene isih pinaringan wĂȘktu ĂȘmbuh nganti kapan ora Ă„nĂ„ sing bisĂ„ ngetung. Mung margĂ„ Sih katrĂȘsnan dalah keparĂȘnge Gusti kitĂ„ isih bisĂ„ nyawang sang suryĂ„. Marang sukĂȘt alang-alang dalah lintang  kitĂ„ bisĂ„ nyobĂ„ nyilih cathĂȘtan-E. TumĂȘkĂšng nganti kapan  wĂȘktu kang isih kĂšri iki? KabĂšh gĂšlĂšng-gĂšlĂšng, kabĂšh cĂȘp klakĂȘp kabĂšh mangsuli ora ngrĂȘti. Kang prayogĂ„ hamung enggalĂ„ mangĂšstupĂ„dĂ„ mupung kitĂ„ isih kasinungan wĂȘktu. SĂ”rĂ”gan :  nyobi njarwakakĂȘn saking syair đŸŽ¶ tĂȘmbangipun Ebiet G Ade, bilih kath...
Baca selengkapnya

KEDUWUNG TANSAH KASUMURUPAN SAWUSÉ KADADEAN

-
    kapacak uga ing   https://www.facebook.com/share/p/ryB5ASdz7LjGWa62/?mibextid=oFDknk Ing sawijining kutha cilik ana piyayi sarimbit nembĂ© nampa kanugrahan pinaringan momongan putra umurĂ© lagi setahun. Kejaba iku duwĂ© ingon-ingon kĂ©wan asu HĂšrdher kang banget setya sing wus suwĂ© diingu wiwit isih srawung kekancan pepacangan. KĂ©wan ingon2 mau bisa sinebut minangka "Piyaraan", "Rowang dolanan", "Tukang Jaga & Pangayoming Kaluwarga". Piyayi sarimbit mau banget olĂšhĂ© gemati lan pracaya mring HĂšrdher-Ă© iku. Sawijining dina piyayi sarimbit mau lagi tindakan kanthi ninggalakĂ© putranĂ© hamung dikancani si HĂšrdher awit saking dipracaya. Tan kinira nalika piyayi sakloron mulih... iba kagĂštĂ©! ... jalaran nyumurupi ana tumĂštĂšsĂ© getih ing jogan. Sanalika lagi kĂšlingan yĂšn lali nora nyepakakĂ© pakan kanggo si hĂšrdher-Ă© mau. KagĂšt, tratapan lan kuwatir campur adhuk rasanĂ© ing pikiranĂ© sakloron. Tanpa mikir werna-werna jenggirat tumuju kamar. Ing ngarep lawang katon ...
Baca selengkapnya