MANUNGSA TITAH MULYA

   kaunggah uga ing https://www.facebook.com/1684548218490975/posts/3211555125790269/

Sejatine manungsa mula bukane cinipta asipat kawignyan yaiku duweni sipat-sipat winasis lan mulya.

Ananging, lamun migatekake lan nyetiteni solahe saperangan manungsa jaman saiki, bokmenawa wus ora gampang maneh ngarani dene manungsa iku titah/makluk kang mulya. 

Lha ya kepriye yen ora mangkono, sajroning kahanan pageblug C-19 kang abot sanggane iki, isih bae ana wong-wong srakah sing tansah golek kepenake dhewe ora klebu nalar gawe kasengsarane wong liya. Conto sing bener-bener tetela yaiku lenga goreng regane mlangkring mundhak larang ora katulungan kang wekasane nggered reregan barang-barang kapreluan dhasar liyane dadi mlangkring uga, bisa-bisa mlebu ing mangsa paceklik; 'investasi bodong' lan iming-iming mawa 'robot penghasilan' sing sarwa ora klebu nalar sehat, lan tumindak culika liyane.

Kasunyatan iki mahanani wujuding tandha dene manungsa kelangan kamulyane saka dene sipat kasrakahan kang sarwa nerak angger-anggere Gusti.

Pranyata, kahanane/jejere manungsa minangka titah mulya ora bisa ditinggal saka gegandhengane karo Gusti Sang Pancipta. Lamun manungsa nganti nglirwakake gegandhengan iki, kamulyan jroning awake uga muspra, ilang ora tanja. Cethane, jatining dhiri manungsa ora bisa kapisah saka sesambungane karo Sang Panciptane yaiku Gusti Allah Kang Maha Wisesa.

Sangsaya terwaca dene supaya bisa dadi titah mulya, ora bisa kaeculake saka kahanane Gusti Sang Pancipta. Ing kene cetha iba prelune angakoni dene manungsa iku ciniptaNe kang tansah sinambungan karo Sang Pancipta. Pangakon bab anane kasinambungan iku dadi sumber dununge kamulyan lan kinurmatane manungsa. Tanpa ana sesambungan gegandhengan iki, manungsa bener-bener kelangan kamulyane lan uga kinurmatane.

Kepriye carane supaya manungsa tansah sesambungan karo Sang Pancipta? 

Kepriye supaya manungsa panggah dadi titahe kang mulya lan kinurmatan? 

Ora ana cara liyane kejaba ngibadah lan ngabekti konjuk Panjenengane. Krana mangkono, mawa cara iki manungsa bisa tansah njaga sesambungane karo Sang Pancipta. Ing kene, manungsa bisa mbabarake puji-pujian kamulyan lan urmat konjuk Gusti. Lumantar ibadah lan anggagas jroning ati kanthi tumemen mulya, manungsa wekasane bisa nggemateni lan nresnani saliring ciptane Gusti.

Sugeng ngibadah Minggu kanggo para kadang kang nindakake 👏, 

Gusti amberkahi... Amin 🙏

JM, ahad esuk, 20.3.22

      dening eNPe

Mencermati ulah sebagian manusia zaman ini, mungkin sulit untuk mengatakan bahwa manusia adalah makhluk mulia. Bagaimana tidak, dalam situasi pandemi yang berat ini, masih ada saja orang-orang serakah yang terus mengambil keuntungan yang tidak masuk akal di atas penderitaan orang lain. Fakta ini merupakan sebuah pertanda kalau manusia kehilangan kemuliaannya.

Ternyata, status manusia sebagai makhluk mulia tidak bisa dilepaskan dari relasinya dengan Tuhan, Sang Pencipta. Bila manusia sampai mengabaikan relasi ini, kemuliaan dalam dirinya pun otomatis menghilang. Lugasnya, jati diri manusia tidak bisa terpisah dari hubungannya dengan Tuhan.

Makin jelas bahwa untuk menjadi makhluk mulia, manusia tidak bisa lepas dari eksistensi Sang Pencipta. Di sinilah pentingnya kesadaran bahwa manusia adalah ciptaan yang selalu terhubung dengan Sang Pencipta. Kesadaran akan adanya keterhubungan ini menjadi tempat kemuliaan dan kehormatan manusia. Tanpa adanya hubungan relasional ini, manusia kehilangan kemuliaan sekaligus kehormatannya.

Bagaimana cara supaya manusia selalu terhubung dengan Sang Pencipta? Bagaimana supaya manusia tetap menjadi makhluk yang mulia dan terhormat? Tidak ada cara lain kecuali dengan beribadah dan berbakti kepada-Nya. Dengan cara inilah, manusia dapat menjamin keterhubungannya dengan Sang Pencipta. Di sinilah manusia bisa menyatakan pujian hormat dan kemuliaan kepada Tuhan. Melalui ibadah dan perenungan yang mendalam, manusia pada akhirnya juga akan dapat mencintai seluruh alam ciptaan Tuhan.