kapacak ugi ing  https://m.facebook.com/story.php?story_fbid=pfbid0Wf5WTJAjYFKD88kSLajcH9DtPdJDWAbEZr9iHnPjhnyAEp37h5yG78HZcPG8PM4il&id=100053518547586&mibextid=Nif5oz Satunggiling pilihan tansah nggadhahi kawusanan ingkang sae utawi awon. Wontening sejarah Purwaning Dumadi kang sinerat ing Kitab Suci, Ibu Kawa ing petamanan Eden nalika wawan rembag kalihan iblis kang ngemba-emba sawer bab dhawuhlpun Gusti Allah sejatosipun ibu Kawa mangertosi dhawuh wewaleripun Gusti punapa tundhonipun menawi ngantos nedha uwohipun satunggiiing taneman ing satengahing petamanan Eden. Dhawuhipun Gusti Allah makaten : "Aja sira pangan, malah ndemok bae aja, supaya sira ora mati!" Kanthi julig sawer/iblis glembuk ibu Kawa menawi boten badhe pejah malah saged nyameni kalihan Gusti Allah.  Ringkesing carios, ibu Kawa langkung milih pambujukipun sawer, inggih punika adhedhasar punapa ingkang puntingali lan punremeni, boten adhedhasar punapa ingkang Gusti Allah dhawuhaken, makaten man...

    kapacak uga ing  https://www.facebook.com/100053518547586/posts/pfbid02k6j1M3Cq2Ebad12EF8RUUur8gcpDdTCp1RoqV6P9evMSzDStQdoot7tGzzW98vc8l/?mibextid=Nif5oz Palakrama (ningkahan) ora amung tetalen netepi janji, ananging awit saka karsane Gusti Allah tumrap manungsa wiwit karipta/katitahake. Gusti Allah ngawuningani dene Adam mbutuhake sawijining rowang/kanca kang suwawa (sepadan, Ind.). Gusti mirsani dene Adam mbutuhake jodho sawuse Adam kijenan ana ing satengahe para titah liyane. Banjur Gusti Allah anyipta manungsa wadon yaiku Kawa. Gusti Allah akarya wong wadon beda karo cipta-riptaning liyane amarga dheweke kacipta saka bagean awake iya saka igane Adam. Ing kene nelakake yen sejatine Adam lan Kawa nyawiji lan manunggal. Ana bagean sing ilang saka Adam kang mung bisa katemokake ana ing dhiri Kawa. Sakarone mujudake sabadan/sadaging kang ora bisa pinisahake. Kaserat uga ing Kitab Suci, dene ing kawitane sakarone kacipta tanpa awer-awer/wuda, nanging ora krasa isin. Iku...

  kapacak uga ing  https://m.facebook.com/story.php?story_fbid=pfbid02pJNTD1pX1mtTTFYDvo9n7KHpuqf4H1BhpaQxCrbnGhu6UkRi9Wnz7maLXUY3piLXl&id=100053518547586&mibextid=Nif5oz     Sawatara aku noleh marang dalan kang dakliwati,     sihe Gusti kang dak tampa kanthi eraming ati.     Sanadyan akeh alangan wah kandhang lelimengan,     nanging Gusti karsa nuntun.     Mulane aku ngungun, wit asta ning Allah ngreksa,     temah rumangsa begja     Ora merga aku becik, tanganku tinuntun astanya;     ora jalaran sampurna, aku tansah rineksa.     Aku tansah kaeraman, wit tansah binerkahan.     Kadiparan nggonku nampa sih tresnane Kang Kwasa?     Daklakoni, dakedumke marang umat sadaya. kadudud saking KPJ 395 JM, gagat bangun, 17424            ✍️ eNPe ✍️           [^__^]  [^__^]

    kapacak uga ing  https://m.facebook.com/story.php?story_fbid=pfbid02cw8QHD8Mqgu9qetzf2Ytk97Li5o3RAf3krAwScNKEaWLotAMXMEgQ6zd85MnZAKl&id=100053518547586&mibextid=Nif5oz Gedhang/pisang mujudake sawijining woh-wohan kang gampang tinemoni ing sadhengah panggonan. Kejaba rasane sing legi uga duweni pitamin lan kandhutan gisi sing murakabi kanggo kabutuhan kesehatane manungsa. Nalika kita pigatekake rentenganing gedhang ing tundhune sing kaya gulu banyak yen wis tuwa ing uwite, gedhange mateng uwit rupane kakuning-kuningan. Padadan matenge ora bareng kabeh satundhun. Katon sing wiwit mateng dhisik saka salirang/sadhompyok gedhang dhuwur dhewe utawa saka bonggole gulu banyak disusul ing salirang-salirang ngisore. Mangkono uga salirang gedhang sing dhuwur dhewe wujude luwih gedhe/lemu tinimbang salirang ngisore. Kenapa bisa mangkono? Iya amarga gedhang sing dhuwur dhewe luwih disik nampa lumebune/asupan pakan, mula salirangan pisang sing ana ngisore matenge luwih keri...

    kapacak uga ing  https://www.facebook.com/100053518547586/posts/pfbid0bnZSFbqCz7jHUNWcVVuF2NzFsyMH7BXp8ce9J6hazKRH4h2j7mMzAxbeaW5uVz31l/?mibextid=Nif5oz Sapa bae wonge mesthi nate nemoni pantoge dalan. Sajroning pepuletan kang abot sanggane, rasane kakuwatan kita nglokro entek gusis/ludhes. Ing kahanan kadya mangkono prayogane kita sangsaya ngrumangsani gumantunge marang Gusti Allah.  Iya mangkono iku puji kekidungan kang nelakake kapracayane marang Allah minangka sumber kakuwatan lan pangayomane. Gusti Allah iya satuhu minangka pangayom umat titah-E. Panjenengan-E ngawisesani tumrap bumi lan alam sajagad rat. Manungsa duweni wajib tetepa ana ing dalane Gusti sarta mijil pribadi kang tulus lan mujudake katentreman ing ngendi bae dunung kita. Ing samengko iki, bokmenawa kita uga lagi ditrajang pepuletan urip. Kaya-kaya kita ditrajang saka sakiwa tengen kita, nggubed ora kober leren. Trajangan-trajangan iku bisa awujud gangguan kesehatan lan danardana, rupege gawea...

  kapacak ugi ing   https://m.facebook.com/story.php?story_fbid=pfbid0RmZR7zob2FFFJJ8gmG7oTnkVR8Ee34VvRAjVBHerU1bJhL3NV8CmyaU4VXZLoPMdl&id=100053518547586&mibextid=Nif5oz    Kagem para sutresna PBJ Angaturakên SUGÊNG RIYÅYÅ mendah bungah sukårênå de apurå-ingapurå samyå ing dinå kang sinubå-subå kumpul bêbarêngan sanak kadangirå. Kamarêmaning atine wõng tuwå,  lamun nyawang putrå wayahirå, de rukun manunggal budi samyå. Pêpindhane pårå amõng tani, ndulu tanêmanirå samyå ngrêbdå, panènira lir rõbing samodrå. Saiba bõmbõng marêming nålå anak-putu pådhå sabiyantu bêbarêngan, yèn bungah barêng pådhå kasukan, lamun susah sinånggå bêbarêngan. Uripe ayêm têntrêm, guyub-rukun, tan kêndhat dènnyå ngaturke panuwun. Pinujiå Gusti Kang Må'mulyå, kang dadi sumbêring bêrkahnyå. Pinujiå Gusti Kang Må'mulyå, kang dadi tuking nugråhå prå titah sangyå. Pinujiå Gusti Kang Må'wiseså. Osma, lingsir wengi, 10424             ✍️ eNPe ✍️   ...

    kapacak uga ing  https://m.facebook.com/story.php?story_fbid=pfbid0t8ibQp3WhBZFjvsFApxXsTipWXvdND1FUAmvvs6fSNSrbaYoxudHGX5Msv94Fu2fl&id=100053518547586&mibextid=Nif5oz Rukun agawe santoså sayuk rukun bêbarêngan ambangun pråjå. Rukun agawe santoså gõtõng rõyõng ing bêbrayan sabên dinå. Rukun agawe santoså kakung, putri, wrêdhå, mudhå datan bedå. Rukun agawe santoså kasunyatan anèng donya manekå warnå. Åjå adigang, adigung, adigunå dumèh darbe pangkat, drajad lan kapintêran. Kabèh iku bêcik nêdyå biså pigunå kanggo muji kamulyane Pangèran. Rukun agawe santoså Bhineka Tunggal Ika iku wujudnå ayo pådhå asêsantyå Rukun agawe santoså. JM, madya ratri, 6424            ✍️ eNPe ✍️           [^__^]  [^__^]

    kapacak ugi ing  https://m.facebook.com/story.php?story_fbid=pfbid02x5BaTs8Zta8fPm6q5HMhPC8nB2h11qhJNFgZpSsVBERTw3b8jYjSE63ykjQwm1Qil&id=100053518547586&mibextid=Nif5oz Nate mireng punapa ingkang sinebat 'Pasemon ngelmu driji panuding'?  Nalika kita nudingi ngangge driji panuding (jari telunjuk, bs Ind.) dhateng ngasanes, badhe wonten tigang driji (driji panunggul, driji manis lan jenthik) ngener mring kita. Punika ngemu wredi dene kita padadan gampil nuding utawi andakwa nglepataken tiyang sanes, nanging boten purun ngakeni kalepatan dhiri pribadi kita piyambak.  Ing wekdal samangke kita asring nguningani kadadosan wonten salebeting adu papriksanan prakawis korupsi upaminipun, pehak ingkang lapor nuding pehak ingkang tinuding korupsi kangge nutupi bilih piyambakipun ugi kagendeng, kalebet prakawis ingkang punajengaken. Punika nggambaraken bilih nalika nuding sejatosipun tigang driji sanesipun ngener dhiri pribadi. Makaten ugi padudon ing tengahing m...

    kaunggah uga ing  https://m.facebook.com/story.php?story_fbid=pfbid02wwY4VW6qi32CqBtj1paCAGNgxebeyfKEmA6NH19eK1JaE7tNhW8QMNn5o7Hv37QMl&id=100053518547586&mibextid=Nif5oz Banjir manèh, banjir manèh, oh, ibå bangêt nyusahake, kapitunan datan sinelakake, nanging kitå kudu tansah mangucap sokur. Macêt manèh, macêt manèh, oh, ibå banget njèngkèlake, kitå datanpå duwe dåyå, ibå kasabaran kitå nembe kauji. Mulur manèh, mulur manèh, oh, ibå bangêt nyêbêlake, akèh wêktu kabuwang tanpå gunå, payo kitå migunakake wêktu klawan pênêr. Kisruh manèh, kisruh manèh, oh, ibå bangêt ngisinake, ing ngêndi dunung kitå sêring dumadi, krana sabên wong amêkså kêkarêpane. Ribut manèh, congkrah manèh, ibå bangêt anyêdhihake, Payo kitå sêngkuyung bêbarêngan, budidåyå rukun, têntrêm raharjå    agawe santoså 🤝🤝 JM, plêthèke bagaskårå, 01424            ✍️ eNPe ✍️           [^__^]  [^__^]