kapacak ugi ing    https://m.facebook.com/story.php?story_fbid=pfbid02rVkGQ8my8ZQrbeo9n3oiba7BjCks7v6pvKecu795G2xHwvJQDgwBMuhAnChZQDBul&id=100053518547586&mibextid=Nif5oz Wonten sawetawis tiyang ingkang tumindakipun gumantung ing pundi piyambakipun mapanaken raosing kinajènan/pakurmatan pribadi. 'Korupsi' mijil utawi tuwuh jalaran kasugihan pundadosaken tuking raos kinajènan. Tiyang ingkang remen ngapusi/nylinthuti/nggorohi tiyang sanes, saged ugi panguwaosan dados minangka landhesan pakurmatanipun. Ing sejatosipun, pitutur gesang  nelakaken iba risakipun gesang karana nglirwakaken angger-angger dhawuhipun Gusti Allah punapa dene tatanan paugeran pasrawungan masarakat/negari (kang kaserat ing undhang-undhang). Ing telenging nala badhe tansah kauber-uber raosing dosa lan pecah ing batosipun. Lelampahan ing gesang kaliyan sesami nedya ngupados nutup mripat batosipun, nindhes lan ambek siya mring sasama, remen dhateng panerak lan kadurakan, saha ngeruk ...

  kapacak uga ing  https://m.facebook.com/story.php?story_fbid=pfbid022JjLYKHY1abnaireGe7kW99byj6MYnKXGLbVChLAo6jni4djr5ovwQUBJKSsVkXJl&id=100053518547586&mibextid=Nif5oz Gagat raina sang surya sumunar trang, tlaga sêndhang tuwin lêmbah katon lumirap padhang. Pêksi samya mabur, sêsêkaran mêkar, èsêm sinungging pra kadang samya enggar. Siyang dalasan ratri silih gumanti, tan ana kang langgêng ing bumi. Mung sih kadarman ing Allah Kang trêsna, katrêsnanira mangkonoa uga mring sasama. Samangsa aku ing lêlimêngan nala, tan kuwawa ngêmpêt sangsara. Puja astawa konjuk Gusti Pangèran, AstaNya mulung lan ngêntas saking kasangsaran. JM, gagat raina, 27523          ✍ eNPe ✍         [^__^]  [^__^]

    kapacak ugi ing  https://m.facebook.com/story.php?story_fbid=pfbid0p2ttWDAcLk6V34nqpwpWBzq3g6Aa84vaQDVTs9jxV7ji1jMDtB18AdpSdtfv9SWVl&id=100053518547586&mibextid=Nif5oz Mujudaken kabagyan dhateng tiyang sepuh sekaliyan (bapa biyung, rama ibu) punika minangka darmaning lare (anak-anak). Pramila, boten kirang lare-lare mempeng anggenipun sinau ing pawiyatan, ngupados anggayuh rejeki ing padamelanipun tuwin nisihaken rejeki nedya saged nyawisaken kabetahan tiyang sepuhipun. Wonten sawetawis ingkang nggadhahi pamanggih ngengingi adamel bagya tiyang sepuh inggih punika : - bilih tiyang sepuh saged nguningani/mirsani anak-anakipun boten meri (iri) dhateng kamulyaning (sukses) ngasanes, - boten katut ombyaking pasrawungan mendem-mendeman, narkoba, boten wegahan/kesèd nyambut damel, - lelampahan ing gesang jujur lan nggadhahi pangangen-angen tuwin pangajap kang sae kangge napaki gesang ing tembenipun. Pramila minangka lare-lare prayogi saged nebih saking godhaning gesa...

    kapacak uga ing   https://m.facebook.com/story.php?story_fbid=pfbid02EjBeFFxSYkTuaBfXg12FjH4TSCY4BRRrPL48TZUdyDJuSeDKXgJTKxagt9hEPkoxl&id=100053518547586&mibextid=Nif5oz Sunare bagaskara esuk anêlahi salumahing bumi, ambagya pra titah samya amulyakên asmane Gusti. Manungsa rinipta karumêntahan ing kamulyan, nanging asring têbih saking sokur malah tansah ing pamblasaran. Samangsa tumêka ing buddhi nuli angucap janji sêtya, dhumatêng Paduka dhuh Sang Pangripta alam samya. Puji sokur pangastuti kawula unjukakên wit nugrahaning Gusti, wayah enggal kang prapti, anuntun kawula ing margining Gusti.  JM, mapag enjing, 18523            ✍ eNPe ✍           [^__^]  [^__^]

     kapacak uga ing  https://m.facebook.com/story.php?story_fbid=pfbid02CB6MzGLYUwsJvfaHiZNGjAa7qtcjQuetWZTkxMH9ttj3Az1bkeguGjZhrARiDE5kl&id=100053518547586&mibextid=Nif5oz Kacarita, ana pawongan kang lagi tilar donya, banjur roh utawa nyawane mlaku tumuju gapurane suwarga. Ing kana Malaekat ngendika, "Bagya tekamu, amarga dosamu kurang saka 100, trep gunggunge 99, kowe bisa mlebu suwarga."  Wong iku banget bungahe lan sanalika lunjak-lunjak karo ngomyang kementhus ora karuan karo nepuk dhadha, "Hehehee... Lha iya ta, sapa sik kih aku iki!". Mireng pocapane wong iku, Malaekat enggal bae nglebokake wong iku ing neraka amarga dosane ganep 100. Crita iki hamung lelucon bae, ananging ngandhut lan duweni makna paribasan kang jero. Sejatine pangucap sembarangan (kosong) lan ora prayitna ing sanalika bisa anjalari kawusanan kang apes mbilaèni. Mula sing waspada lan prayitna, dijaga obahing lathi aja mung anggere bae. Kawusanan ing urip (nasib) bisa katemtokake...

    kapacak uga ing   https://m.facebook.com/story.php?story_fbid=pfbid0KaqJBaHG1jZXwxyqvCTat443CG6UGnLihELHmJGjEarGDghmFgK2ERmGo3MJJAegl&id=100053518547586&mibextid=Nif5oz Paukuman bisa sinebut bab kang ora bisa siningkur. Ora ana bangsa kang urip rukun lan tentrem yen ora ana sing nata. Ya, akeh manungsa kang ora  ngrumangsani kaluputane tanpa nampa paukuman, padatan rumangsa salah lan keduwung yen wus kaukum. Nanging paukuman pancen ora bisa sakarepe sing menehi ukuman, kudu ana tatanan kang ngatur yaiku sing kaaran undhang-undhang kang mujudake paugeran tatanan urip ing tengahing pasrawungan masarakat.   Temtu bae, pranatan ukum mau kudu duwe sipat kang kalumrah saturut karo rasa kaadilane masarakat, bakune kudu ngandhut bab-bab :   a. pepancasan ukuman katetepake mring sapa bae kang tumindak kaluputan nerak paugeran, ora kena pilih asih.   b. kudu adhedhasar bukti kang bisa kabuktekake.   c. ukuman kudu salaras karo kaluputane, conton...