kapacak uga ing :  https://www.facebook.com/1684548218490975/posts/2323618184583972/ Tumapake sawijining paprentahan bisa lumaku lamun sinengkuyung dening para warganing nagara iku dhewe. Mokal dene pandhegane nagara hamung dhewekan bisa ngayahi samubarang tugas-tugas kaprajane lan bisa lumaku kanthi becik lan rancag kabeh apa kang dadi sedyane. Ya wiwit saka panguwasane nagara ya pandheganing praja tekan ing kawulaning praja nora bisa diselaki kabeh kudu cancut taliwanda gotong royong anyengkuyung bebarengan kanggo mulyaning nagara. Kepriye nagara bisa maju lamun para wargane ya para pamengku praja ya para panguwasa sing kajibah dadi wakile rakyat, para panegak ukum uga kabeh kawula alit padha regejegan belani jagone kanggo ngisi pangrehing nagara? Eling para kadangku tunggal bangsa yen kahanan kaya mangkono di terus2ake bisa andadekake nagara kurang waspada gampang digoyang dening kakuwatan- kakuwatan kang duweni kapentingan pribadi /golongan klebu kekuwatan manca. ...

  Kapacak uga ing :  https://www.facebook.com/1684548218490975/posts/2323231734622617/ Aywa iren lan drengki mring asil gegayuhane wong liya, amarga sliramu nora nyumurupi sepira gedhene wong iku wus ngurbanake kanggo methik gegayuhan mau. Luwih becik lan mulya lamun sliramu nyinaonana kepriye bisa pikoleh gegayuhan iku, klawan dedonga muga Pangeran Kang Murbeng Gesang paring idi lan dalan sarwa lancar kang sinedya. Rahayu manungsa kang tansah sumendhe mring kwasaning Gusti lembah manah ing ati, nora gampang kegilut mring osiking ati kang peteng. Nulada lan ajenana mring liyan tumindaka tansah ing kaluhuran bebudenira, temahan uripmu kebak ing berkah lan njalari lumantare berkah mring sapepadha. Gusti amberkahi.... Aminn amin JM, gagat esuk, 23319        dening eNPe

  kapacak uga ing : https://m.facebook.com/story.php?story_fbid=2311029985842792&id=1684548218490975   Akeh wong kang senengane lan pinter banget aweh biji wong liya, nanging emane.., banget olehe bodho mbiji awake dhewe. Lamun ora seneng ya aja gawe serik. Lamun ora ngerti ya aja memada. Lamun ora duweni ya aja melik. Lamun ora weruh ya aja keminter. Lamun ora bisa rerewang ya aja ngrusuhi. Lamun ora kuwat ya aja meksa. Ayo padha duweni panduga becik supaya ora cupet ing pikir. Bacutake duwe panduga kang becik temahan bisa oncat saka rusaking pikir, drengki, irenan, sengit, nacad... lsp lsp. Yen kita nyumurupi kekurangane wong aja ngandhakake marang wong-wong liyane, luwih becik lan prayoga dikandhakake marang wong iku supaya ora gawe wirang. Amarga kang bisa ngowahi ya wong iku dudu wong liya. Sumangga ! JM, esuk kekes, 3219   rinakit dening eNPe3

  kaunggah uga ing :  https://m.facebook.com/story.php?story_fbid=2282765305335927&id=1684548218490975 Mandhegani sawijining wewengkon praja ora kok amung bisa golek aleme utawa sinuba-suba masarakat sajroning lima utawa sepuluh taun mangarep. Ananging kepriye bisa ngenerake rakyat ing dalan tumuju kang luwih becik. Arepa kanggo ngranggeh gegayuhan mau kita kudu bebarengan guyub kanthi rekasa ngombe pait getire pangupaya mau. CAHYA bakal sumunar sawuse kawiyak pepeteng pedhuting mendhung. Mandhegani praja ora ateges kepriye supaya bisa MISUWUR, ananging kepriye carane bisa nedya anggayuh kahanan kang kaesthi luwih becik/rahayu ing tembene. Pambangunan ora tansah lan mesthi sarwa manis/kepenak, lumakune mbutuhake pangurbanan kang ora sethithik kepara pait rasane. Ananging, kabeh iku kaprelokake tumrap mujudake CAHYA kang nyumunari ing tembene. Tumapaking dawaning dalan tumuju CAHYA. Aku ora ngandhakake lamun Indonesia ana ing palimengan. Nanging sejatine CAHYA bis...